Tuesday, September 26, 2006

Balasubas

by Mariacelli

Berdugo ng laman
Hayok sa kasawian ng
Nilalang sa harapan
Pilit sindakin ang katabi
Gamit ang sandata at labi
Kanais-nais na
Dampi ng balat sa balat
Kamalaya't Katarunga'y
Pinagsamang namaguli
Na kakalimutan sa pagsibol
Ng umagang mapait.

posted by Mia G @ 7:01 PM 0 comments

Tuesday, September 12, 2006

Berso 3

by Mariacelli

Sigwang malaya
Impostor ang sadya
Huwag kang ngumiti
Hindi ka isasalba ng 'yong mga labi.

posted by Mia G @ 5:08 PM 0 comments

A Suicidal's Note to Self

by Mariacelli

Bleeding won't suffice
Hope for a compromise
Stabbing pain
Heart disdained
Neurons' demise
A big disguise
Hide the hurt
Never unearth
Break your heart
But never tear it apart
No pain, no gain
Full of shame

Only a game.

posted by Mia G @ 11:04 AM 2 comments

Monday, September 11, 2006

Setyembre

by Mariacelli

Burahin na sa kalendaryo
Ang puno't dulo ng kalbaryo
Sawang sawa na sa'yo
Pakawalan mo na ako.

posted by Mia G @ 3:56 PM 0 comments

Monday, September 04, 2006

Berso 2

by Mariacelli

Ang puso ko'y kakabit ng guwang ng iyo
Na kahit piliting magpang-abot
Ay saan pa ba paroroon?

posted by Mia G @ 4:09 PM 0 comments

Berso 1

by Mariacelli

Pa'no kaya kung bukas, wala ng mundo
Ang pag-ibig ko kaya sa'yo'y
Mawawala kasama nito?

posted by Mia G @ 4:07 PM 0 comments

Emo

by Mariacelli

Galit ba'ng nararamdaman
O simpleng pagkahumaling sa'ting nakaraan
Galit ba o aking pagmamahal
Na naungkat mula sa pusong nasaktan

Tama na, sobra na'ng sakit
Ang pagpunta't pagbalik
Sa panahong masakit

(itutuloy...)

posted by Mia G @ 4:05 PM 0 comments

Tapos Na

by Mariacelli

Sabaw na plato
Pamatid-uhaw sa kalamnang tigang
Sumukong lapay
Pilit pinagana hanggang
Tuluyang sumuko
Biglang bumugay
Alalahaning walang humpay
Patay na, tapos
Na ang
Paghihirap.

posted by Mia G @ 4:03 PM 0 comments

Sunday, September 03, 2006

Ilaw

by Mariacelli

Kalong, dikit, ulang mahapdi
Pilit pinangibabaw ang ngiti.
Kalong, dikit, sa
Ilaw na
Mapanglaw.

posted by Mia G @ 3:19 PM 0 comments

Sirko

by Mariacelli

Unti-unting pinagtagpi ang mga basurang nakalap upang makabuo ng
Regalo sa alaala mo
Nilamon ng karimlan
Matapos iyakan
Pilit pang bubuuin
Tutal naman, saan ba nanggaling?

Paulit-ulit lang naman
Prosesong hindi pinagsawaan
Malamang sa hindi'y sanay na
Ang tigang na puso'y manhid ba?

Unti-unting pinagtagpi ang alaalang nakalap upang makabuo ng
Realidad mula sa bangungot ko
Nilamon ng karimlan
Matapos paglamayan
Pilit pa ring bubuuin
Tutal naman, ano pang tatakbuhin?

Paulit-ulit lang naman
Iyakang hindi pinagsawaan
Sige pa, tuloy lang
Ito ang langis ng tagumpay ng kalamnan.

posted by Mia G @ 2:39 PM 0 comments